77th Republic Day Honors: ભારત સરકાર દ્વારા 26 જાન્યુઆરી 2026ના રોજ 77મા પ્રજાસત્તાક દિવસ નિમિત્તે પોલીસ, ફાયર બ્રિગેડ, હોમગાર્ડ, સિવિલ ડિફેન્સ અને સુધારાત્મક સેવાઓના કુલ 982 કર્મચારીઓને શૌર્ય અને વિશિષ્ટ સેવા મેડલ એનાયત કરવાની જાહેરાત કરવામાં આવી છે. જેમાં 125 શૌર્ય મેડલનો સમાવેશ થાય છે, જેમાંથી સૌથી વધુ 45 મેડલ જમ્મુ-કાશ્મીર ક્ષેત્રમાં બહાદુરી દાખવનારા જવાનોને ફાળે ગયા છે.
125 શૌર્ય પુરસ્કારોમાંથી મોટાભાગના, ડાબેરી ઉગ્રવાદ પ્રભાવિત વિસ્તારોના 35 કર્મચારીઓ, જમ્મુ અને કાશ્મીર ક્ષેત્રના 45 કર્મચારીઓ, ઉત્તર-પૂર્વના 5 કર્મચારીઓ અને અન્ય પ્રદેશોના 40 કર્મચારીઓને તેમની બહાદુરીપૂર્ણ કાર્યવાહી માટે એનાયત કરવામાં આવી રહ્યા છે.