A-One ઝેવિયર્સ સ્કૂલ, નરોડાના કોમર્સ વિભાગ દ્વારા “સ્માર્ટ કોમર્સ એક્સ્પો 2025″નું સફળતાપૂર્વક આયોજન કરવામાં આવ્યું. ધોરણ 11ના વિદ્યાર્થીઓએ વાણિજ્ય સંબંધિત વિવિધ પ્રોજેક્ટ્સ રજૂ કરીને તેમની સર્જનાત્મકતા અને પ્રાયોગિક જ્ઞાનનું પ્રદર્શન કર્યું. આ પ્રદર્શનમાં વિદ્યાર્થીઓએ AD GLAD (એડવર્ટાઇઝમેન્ટ પ્રેઝન્ટેશન), બેંક વિઝિટ અને પોસ્ટ ઓફિસ એક્ટિવિટી, તેમજ IPO એનાલિસિસ – 2025 જેવા વિષયો પર માહિતીસભર સ્ટોલ્સ તૈયાર કર્યા હતા. દરેક સ્ટોલે વાણિજ્યની વ્યવહારિક સમજ, બજાર પ્રક્રિયા અને નાણાકીય જાગૃતિના પાસાઓને સરળ ભાષામાં રજૂ કર્યા હતા. શાળાના ટ્રસ્ટીઓ, પ્રિન્સિપાલ, શિક્ષકો અને ઉપસ્થિત વાલીઓએ વિદ્યાર્થીઓના નવતર પ્રયાસો, આત્મવિશ્વાસ અને વ્યવહારિક કુશળતાની પ્રશંસા કરી હતી. વિદ્યાર્થીઓએ ઉત્સાહપૂર્વક તેમના પ્રોજેક્ટ્સનું વ્યાવસાયિક રીતે નિદર્શન કર્યું હતું. A-One ઝેવિયર્સ સ્કૂલનો કોમર્સ વિભાગ આવા પ્રાયોગિક કાર્યક્રમો દ્વારા વિદ્યાર્થીઓને વાસ્તવિક દુનિયાની સમજણ આપવા સતત પ્રયત્નશીલ રહે છે. પ્રદર્શનને મળેલા સકારાત્મક પ્રતિસાદને ધ્યાનમાં રાખીને, શાળાએ ભવિષ્યમાં પણ આવા શૈક્ષણિક કાર્યક્રમોનું આયોજન કરવાની પ્રતિબદ્ધતા વ્યક્ત કરી છે.