બનાસકાંઠા જિલ્લાના અમીરગઢ તાલુકામાં શિક્ષણ જગતમાં ચકચાર મચાવનાર બનાવ સામે આવ્યો છે. ખજૂરિયા પ્રાથમિક શાળાનો શિક્ષક દારૂના નશામાં ઝડપાતાં જિલ્લા શિક્ષણ અધિકારીએ આ શિક્ષકને તાત્કાલિક સસ્પેન્ડ કરી દીધો છે.
રાજકુમાર રતિલાલ સોનેરા નામનો શિક્ષક દારૂ પીધેલી હાલતમાં જોવા મળ્યો
માહિતી મુજબ, રાજકુમાર રતિલાલ સોનેરા નામનો શિક્ષક દારૂ પીધેલી હાલતમાં જોવા મળ્યો હતો. ગ્રામજનોએ તેને નશાની હાલતમાં પકડી પાડ્યો હતો અને સમગ્ર ઘટનાનો વિડિયો ઉતારી સોશિયલ મીડિયા પર વાયરલ કર્યો હતો. ઘટના સામે આવતા શિક્ષણ વિભાગ હરકતમાં આવ્યું હતું.
જિલ્લા શિક્ષણ અધિકારીની કડક કાર્યવાહી
ઘટનાને ગંભીરતાથી લઈ જિલ્લા શિક્ષણ અધિકારીએ રાજકુમાર સોનેરાને સસ્પેન્ડ કરવાનો આદેશ આપ્યો છે. સાથે સાથે, તેની અન્ય તાલુકામાં બદલી પણ કરવામાં આવી હોવાનું જાણવા મળે છે.
શિક્ષણ જગતમાં રોષ
શિક્ષક જેવા જવાબદાર હોદ્દા પર રહેલા વ્યક્તિ દ્વારા આવી બેદરકારી દાખવાતાં ગ્રામજનોમાં ભારે રોષ ફેલાયો છે. વાલીઓએ પણ આવી ઘટનાઓ સામે કડક કાર્યવાહી કરવાની માંગ ઉઠાવી છે.