India vs South Africa Test Match : ભારત-દક્ષિણ આફ્રિકા વચ્ચે રમાઈ રહેલી બીજી ટેસ્ટ મેચમાં ટીમ ઇન્ડિયાના બોલરો બાદ બેટરો પણ બેકફૂટ પર આવી ગયા છે. આફ્રિકાની ટીમે પ્રથમ ઇનિંગમાં 489 રન નોંધાવ્યા છે, જેના જવાબમાં ટીમ ઇન્ડિયા પ્રથમ ઇનિંગમાં માત્ર 201 રનમાં ઓલઆઉટ થઈ જતાં આફ્રિકાએ 288 રનની લીડ મેળવી લીધી છે. આ મેચમાં આફ્રિકાના બેટરો બાદ બોલરોએ પણ દમદાર પ્રદર્શન કર્યું છે. પ્રથમ ટેસ્ટ મેચમાં દક્ષિણ આફ્રિકાએ ભારતને 30 રને પરાજય આપ્યો હતો. હવે ટીમ ઇન્ડિયા પર બીજી ટેસ્ટ મેચ હારવાનું પણ જોખમ તોડાઈ રહ્યું છે. ટીમ ઇન્ડિયાની શરમજનક સ્થિતિ બાદ પૂર્વ કોચ રવિ શાસ્ત્રીએ કોચ ગૌતમ ગંભીરની આકરી ઝાટકણી કાઢી છે.