ડાયમંડ સિટી સુરતના વિકાસને નવી ઊંચાઈએ લઈ જવા માટે સુરત મહાનગરપાલિકા દ્વારા વર્ષ 2026-27નું બજેટ (અંદાજપત્ર) મંજૂર કરવામાં આવ્યું છે. સતત બે દિવસ સુધી ચાલેલી તોફાની ચર્ચા અને પક્ષ-વિપક્ષ વચ્ચેના આક્ષેપો બાદ આખરે રૂપિયા 11,301 કરોડના જંગી બજેટ પર મહોર મારવામાં આવી છે.
1020 મિનિટની મેરેથોન સભા
સુરત મહાનગરપાલિકાના ઇતિહાસમાં આ બજેટ સત્ર અત્યંત મહત્વનું રહ્યું છે. કુલ 1020 મિનિટ સુધી ચાલેલી આ મેરેથોન સભામાં સુરત શહેરના સર્વાંગી વિકાસ માટે ઊંડાણપૂર્વક ચર્ચાઓ કરવામાં આવી હતી. SMC બજેટમાં શિક્ષણ, આરોગ્ય, બ્રિજ સેલ અને પર્યાવરણ જેવા પાયાના ક્ષેત્રો પર વિશેષ ધ્યાન કેન્દ્રિત કરવામાં આવ્યું છે.
શાસક અને વિપક્ષ આમને-સામને
SMC બજેટ દરમિયાન ભ્રષ્ટાચાર અને પ્રાથમિક સુવિધાઓના મુદ્દે વાતાવરણ ગરમાયું હતું. વિપક્ષ દ્વારા સ્માર્ટ સિટીના કામોમાં ભ્રષ્ટાચાર અને વેરા વધારાના મુદ્દે શાસક પક્ષને ઘેરવાનો પ્રયાસ કરાયો હતો. સામા પક્ષે શાસક પક્ષે સુરતના વિકાસ મોડેલ અને ભવિષ્યના પ્રોજેક્ટ્સની વિગતો રજૂ કરીને બજેટને જનહિતલક્ષી ગણાવ્યું હતું.
બજેટના મુખ્ય પાસાઓ
કુલ રકમ: રૂ. 11,301 કરોડનું SMC બજેટ
- વિકાસ લક્ષી: નવા ફ્લાયઓવર, મેટ્રો કનેક્ટિવિટી અને ગ્રીન સુરત પર ભાર
- પ્રાથમિક સુવિધાઓ: પાણી, ડ્રેનેજ અને સ્ટ્રીટ લાઈટના નેટવર્કનું વિસ્તરણ
આ પણ વાંચો – Surat: અઠવા ઝોનમાં એક જ દિવસમાં 168 મિલકતો સીલ, ટેક્સ બાકીદારોમાં ફફડાટ