Under 19 World Cup, IND vs PAK : આઈસીસી અંડર-19 વર્લ્ડ કપ 2026માં ભારતીય ટીમે પાકિસ્તાનને 58 રને પરાજય આપી સેમિફાઈનલમાં એન્ટ્રી કરી છે. ઝિમ્બાબ્વેના ક્વીન્સ સ્પોર્ટ્સ ક્લબ ખાતે રમાયેલી આ સુપર સિક્સ મેચમાં ભારતે પ્રથમ બેટિંગ કરતા 49.5 ઓવરમાં 252 રન નોંધાવ્યા હતા. જેના જવાબમાં પાકિસ્તાનની ટીમ 46.2 ઓવરમાં માત્ર 194 રનમાં ઓલઆઉટ થઈ ગઈ છે. આ જીત સાથે ભારત સેમિફાઈનલમાં અફઘાનિસ્તાન સામે રમશે, જ્યારે પાકિસ્તાનનું ટૂર્નામેન્ટમાં સફર શરમજનક રીતે સમાપ્ત થયું છે.