Maharashtra SUV Accident : મહારાષ્ટ્રના રાયગઢ જિલ્લામાં તામ્હિની ઘાટ વિસ્તારમાં એક ગમખ્વાર અકસ્માતમાં છ યુવકોના મોત થયા છે. પોલીસના જણાવ્યા અનુસાર પિકનિક મનાવવા ગયેલા યુવકોની એસયુવી કાર 400 ફૂટ ઊંડી ખાઈમાં ખાબકતાં આ દુર્ઘટના સર્જાઈ હતી. પોલીસ અધિકારીએ કહ્યું કે, આ દુર્ઘટના મંગળવારના વહેલી સવારે થઈ હતી, પરંતુ પોલીસને તેની જાણ ગુરુવારે સવારે મળી હતી. મૃતક યુવકોની ઉંમર 18થી 22 વર્ષની હતી અને તેઓ સોમવારે મોડી સાંજે પુણેથી થાર એસયુવીમાં સવાર થઈને નીકળ્યા હતા.