US leaves WHO : કોવિડ-19 મહામારીના સંચાલનમાં સંયુક્ત રાષ્ટ્રની સ્વાસ્થ્ય એજન્સીની નિષ્ફળતાઓને ટાંકીને, અમેરિકાએ સત્તાવાર રીતે વિશ્વ સ્વાસ્થ્ય સંગઠન (WHO) સાથેનો સંબંધ તોડી નાખ્યો છે. અમેરિકી સરકારે સ્પષ્ટ કર્યું છે કે તે ભવિષ્યમાં નિરીક્ષક તરીકે પણ આ સંગઠન સાથે જોડાવાની કોઈ યોજના ધરાવતું નથી.
WHOમાંથી બહાર, ફંડિંગ પણ બંધ
અમેરિકી સ્વાસ્થ્ય અને માનવ સેવા વિભાગ (HHS) એ જાહેરાત કરી છે કે સરકારે WHOને આપવામાં આવતું તમામ ફંડિંગ તાત્કાલિક અસરથી બંધ કરી દીધું છે. HHSના પ્રવક્તાના જણાવ્યા અનુસાર, રાષ્ટ્રપતિ ડોનાલ્ડ ટ્રમ્પે પોતાના અધિકારોનો ઉપયોગ કરીને WHOને ભવિષ્યમાં કોઈપણ અમેરિકી સરકારી સંસાધનોના ટ્રાન્સફર પર રોક લગાવી દીધી છે.